Bashkimi Evropian ka reaguar për protestat e zhvilluara prej dy javësh pa ndërprerje në Kosovë pas aktgjykimit të Dhomave të Specializuara në Hagë ndaj ish-krerëve të Ushtrisë Çlirimtare të Kosovës. Një zëdhënës I BE ka theksuar për mediat në Kosovë, se situate po ndiqet nga afër dhe se demonstratat paqësore janë pjesë e të drejtave themelore në një shoqëri demokratike. “Demonstratat paqësore janë një e drejtë themelore në një shoqëri demokratike”, thuhet në përgjigjen e BE-së, ndërsa nënvizon se situate në vend do të mbahet në monitorim. Në lidhje me protestat e zhvilluara para zyrave të misionit të BE-së për sundimin e ligjit në Kosovë, EULEX, BE-ja thekson se ky I fundit mbetet plotësisht funksional. Reagimi i BE-së vjen pas protestave të mëdha në Kosovë që pasuan aktgjykimin e Gjykatës Speciale të 16 shtatorit në Hagë. Dhomat e Specializuara i shpallën fajtorë ish-krerët e UÇK-së, Hashim Thaçi, Kadri Veseli, Rexhep Selimi dhe Jakup Krasniqi, për vepra penale të luftës, duke I dënuar me gjithësej 81 vite burg.