Demokratët i kanë dhënë një ultimatum zëvendëspresidentit Mike Pence për të larguar Trump nga shtëpia e Bardhë. Kryetarja e dhomës së përfaqësuesve, Nancy Pelosi, ka shtuar presionin mbi të duke i kërkuar që të evokojë amendamentin e 25 të kushtetutës për ta shpallur presidentin të paaftë për postin. Por sipas burimeve, Pence nuk është dakord me idenë. Pelosi i ka shkruar ligjvënësve duke u thënë se dhoma e përfaqësuesve do të prezantojë të hënën një rezolutë përmes të cilës do ti kërkojë zyrtarisht zv presidentit të evokojë amendamentin e 25 të kushtetutës që do ti lejonte Pence ta largonte Trumpin nga shtëpia e bardhë dhe të bëhej president në detyrë. Dhoma e përfaqësuesve do të votojë rezolutën të martën dhe pas kësaj, pence do të ketë 24 orë për të vepruar para lëvizjes së radhës së dhomës së përfaqësuesve drejt Impeachmentit.