Njëmbëdhjetë liderët e vendeve të Ballkanit dolën me një deklaratë të përbashkët me tetë pika pas darkës informale në Athinë me ftesë të kryeministrit grek, Mistotakis. Në prani të presidentes së Komisiont Europian, Ursula von der Leyen, dhe presidentit të Këshillit Evropian, Charles Michel ata theksuan domosdoshmërinë që Ballkani Perëndimor të bëhet pjesë e Bashkimit Europian. Në deklaratë thuhet se pushtimi rus i Ukrainës është një moment kyç për Evropën, për të krijuar një nivel të ri ndërgjegjësimi për parimet e përbashkëta, unitetin dhe të ardhmen e përbashkët brenda BE-së. Përballë agresionit rus, 11 liderët shprehën mbështetjen e palëkundur për pavarësinë, sovranitetin dhe integritetin territorial të Ukrainës brenda kufijve të saj të njohur ndërkombëtarisht, bazuar në vlerat e demokracisë dhe sundimit të ligjit.