Policia e Tiranës ka ushtruar kontrolle në transportin ndërqytetas, rrethqytetas dhe atij qytetas, për të kontolluar dhe verifikuar dokumentacionet përkatëse, por edhe për të matur nivelin e alkolit. Gjatë kontrollit të ushtruar nga shërbimet policore, janë konstatuar shkelje të rënda nga drejtuesit e autobusëve. Kontrollet janë kryer në orët e para të mëngjesit dhe në orët e vona të mbrëmjes, në zona të ndryshme, jo vetëm për nivelin e alkoolit por edhe për mangësi të tjera të karakterit teknik dhe administrativ. Nga kontrollet intensive janë konstatur 207 drejtues autobusësh me probleme të ndryshme. 12 drejtues autobuzash ishin të pa pajisur me certifikatë aftësimi profesional si dhe të përfunduar. 34 të tjerë janë konstatuar per shkelje të itenerarit dhe destinacionit të përcaktuar në certifikatat dhe licencat e transportit. Ndërkohë, 44 drejtues autobuzash të linjave ndërqytetase, janë ndaluar për stacionim në vende jo të miratuara nga organet përkatëse. Shërbimet policore bënë me dije se 21 autobuza të transportit qytetas dhe ndërqytetas ishin të pa siguruar. 22 autobuza të transportit qytetas, kishin defekte teknike si dhe nuk kishin kryer kontrollin teknik. 60 autobuza janë ndaluar për transport pasagjerësh mbi kapacitetin e lejuar. Përvec, këyre problemve, policia bëri me dije se 14 drejtues autobuzash u ndaluan për drejtim mjeti nën efektin e alkoolit, ku dy prej tyre ishin në gjendje të dehur. Ndërkohë, duke vleresuar rrezikshmerinë që mbart transporti publik dhe drejtuesit e tyre, kontrollet parandaluese të policisë rrugore të kryeqytetit do të vijojnë në kohë dhe vende të ndryshme.