Shtetet e Bashkuara kanë dënuar incidentet e dhunshme në veri të Kosovës, duke paralajmëruar Serbinë se po rrezikohet jeta e njerëzve të pafajshëm. Një zëdhënës i Departamentit amerikan të Shtetit tha se përdorimi i eksplozivëve nuk është kurrë një metodë e pranueshme proteste dhe rrezikon jetën e njerëzve të pafajshëm. Ai shtoi se “Shtetet e Bashkuara vazhdojnë t'u bëjnë thirrje Kosovës dhe Serbisë që të ushtrojnë përmbajtje dhe të shmangin çdo veprim apo deklaratë që do të përshkallëzonte më tej tensionet”. Reagimi erdhi pasi që nga 6 dhjetori, në veri të Kosovës janë regjistruar disa incidente, përfshirë të shtëna me armë zjarri, hedhje e granatave të dorës dhe bombave me zhurmë. Pas incidentev, SHBA-ja bëri thirrje për shtyrjen e zgjedhjeve, pasi tha se aktualisht nuk ka kushte për mbajtjen e tyre. Tensionet nisësh sërish pasi grupe dhe persona “të maskuar” dëmtuan zyrat e KQZ në Mitrovicën e Veriut dhe Zubin Potokut.