Dallgë gjigante stuhie janë përplasur mbi port në siçili, me pamjet dramatike që tregonin ujin e shkumëzuar që shpërthente mbi skela, ndërsa deti ishte tërbuar. U deshën vetëm pak sekonda që rrugët të përmbyteshin ndërsa anijet e ankoruara përplaseshin në kalatë, në Lipari. Videot, të postuara në X të martën, tregonin detin e stuhishëm ndërsa Cikloni Harry përshkoi Mesdheun qendror. Pamjet tregonin erëra të forta ndërsa dallgët përplaseshin egërsisht në port duke kapërcyer cdo barrierë mbrojtëse. Autoritetet lëshuan alarme të kuqe në të gjithë Siçilinë dhe Sardenjën, ndërsa stuhia solli erëra të forta, shira intensivë dhe dallgë të rrezikshme. Shpejtësia e erës arriti në 112 km/orë, dallgët arritën deri në nëntë metra lartësi dhe përmbytjet në zonat bregdetare u përhapën me shpejtësi. Mbrojtja Civile urdhëroi evakuime paraprake ndërsa kushtet u përkeqësuan. Në total, 190 persona u evakuuan nga zonat e ekspozuara në të gjithë Siçilinë, ndërsa kryetarëve të bashkive iu bë thirrje të vepronin shpejt për shkak të kërcënimit të dallgëve dhe përmbytjeve të menjëhershme. Transporti u godit rëndë gjithashtu. Erërat e fuqishme shkaktuan kaos në Aeroportin Falcone Borsellino të Palermos, duke detyruar devijime dhe anulime pasi avionët nuk mundën të uleshin në pista gjatë natës. Stuhitë goditën edhe Maltën, ku video tronditëse tregonin breshër që binte dhe lumenj akulli që përmbytnin rrugët.