Java e katërt e janarit, ka nisur me një ulje të rasteve të reja në vend. Ndryshe nga një ditë më parë ku pati 5 mijë e 367 testime dhe 1 mijë e 658 të infektuar, këtë të hënë janë regjistruar 789 raste nga 3 mijë e 667 testime. Ulja e testimeve, tregon se po ashtu ka një rënie të numrit të pacientëve që I drejtohen spitaleve me simptoma të Covid 19, apo të Omicron. Ministria e shëndetëisë ka bërë me dije bilancin e 24 orëve të fundit, ku njofton se janë shënuar 7 humbje jete. Betejën me virusin nuk e fituan pesë qytetarë nga Tirana të moshave 59-83 vjeç, një qytetare nga Fieri 78 vjeçe dhe një qytetar nga Kamza 79 vjeç. Aktualisht në spitalet covid po marrin trajtim mjekësorë 129 pacientë, nga të cilët 13 janë në gjendje më të rënduar shëndetësore, një shifër e lartë për kapacitetet spitalore në vend. Po gjatë këtij harku kohorë, janë shëruar 1824 qytetarë, duke e çuar numrin e të shëruarve në 222,508 që nga fillimi i epidemisë.