Ka qenë e mbuluar me akull për 34 milionë vjet. Por shkencëtarët më në fund po zbulojnë se si duket në të vërtetë peizazhi i Antarktidës, dhe nuk është ajo që pritej. Dihet se pjesa më e madhe e sipërfaqes nën shtresën e lëmuar të akullit përbëhet nga male, gryka dhe lugina të thella. Tani, një studim i ri duke përdorur mjete më të avancuara zbulon se ka zona të gjera me sipërfaqe të sheshta përgjatë shtrirjes prej 3,500 km të vijës bregdetare të Antarktidës Lindore. Këto sipërfaqe të panjohura më parë, dikur ishin të lidhura dhe besohet se u formuan nga lumenj të mëdhenj, pasi Antarktida Lindore dhe Australia u ndanë rreth 80 milionë vjet më parë. Zonat e sheshta - tani të fshehura nën shtresën e akullit - janë të ndara nga hone të thella përmes të cilave kalojnë akullnajat që lëvizin me shpejtësi.