Top News-‘Çdo amerikan do të kthehet në shtëpi’/Biden: S’dihet rezultati final për shkak të rrezikut

Presidenti amerikan, Joe Biden ka deklaruar se SHBA është në kontakt të vazhdueshëm me talebanët. Në një konferencë për shtyp me gazetarët kreu i Shtëpisë së Bardhë është shprehur se grupit militant që tani kontrollon Afganistanin i është thënë se ata mund të presin një “përgjigje të shpejtë dhe të fuqishme” nga SHBA nëse angazhohet në ndonjë sulm ndaj amerikanëve. Biden gjithashtu zotohet se zyrtarët po monitorojnë për çdo sulm terrorist, duke përmendur se si burgjet u zbrazën nga talebanët ndërsa pushtuan vendin. Po ashtu, Presidenti amerikan tha se do të nxjerrin jashtë Kabulit çdo amerikan.