Drejtoria e Përgjithshme e Burgjeve ka pezulluar nga detyra gjashtë efektivë policie pas dyshimeve për shpërdorim detyre, ditën kur ndodhi tentativa e arratisjes së Fatmir Pjetrit dhe Arbër Çekajt, nga qelitë e burgut 313 në Tiranë. Gjashtë efektivët e policisë do të qëndrojnë në pezullim nga detyra deri në momentin e përfundimit të hetimeve për bashkëpunim me të burgosurit. Dyshimet e para lidhen me momentin e tentativës së vetvrasjes së Lulzim Çepeles. Pavarësisht prerjes së damarëve nga i burgosuri, oficerët e regjimit të brendshëm e kanë kategorikisht të ndaluar të dalin nga ky regjim, pasi ka oficerë të tjerë të cilët kanë përgjegjësinë për të çuar të bugosurin në spital në rast incidenti. Në kundërshtim me rregulloren oficerët janë larguar nga burgu 313, duke ulur numrin e forcave në gatishmëri në momentin e arratisjes.