Anëtarët e NATO-s, Britania e Madhe dhe Franca po diskutojnë nëse do të dërgojnë një forcë paqeruajtëse nga të dy vendet në Ukrainë në rast të një marrëveshje për t'i dhënë fund luftës. Gazeta britanike The Telegraph raportoi se kryeministri britanik Keir Starmer dhe presidenti francez Emmanuel Macron po shqyrtojnë këtë veprim. Megjithatë, duke cituar burime të qeverisë britanike, gazeta tha se Starmer nuk është plotësisht dakord me idenë e propozuar nga Macron. Udhëheqësit evropianë po përpiqen të gjejnë një mënyrë se si të vazhdojnë mbështetjen e tyre për Ukrainën ndërkohë që Presidenti i zgjedhur Donald Trump kthehet në Shtëpinë e Bardhë dhe me shumë gjasë do të shtyjë Kievin dhe Moskën drejt një marrëveshjeje paqeje. Në një takim në Paris më 7 dhjetor me Macron dhe presidentin ukrainas Volodymyr Zelensky, Trump kishte hedhur idenë që Evropa të mbante mbi supe barrën e mbështetjes së Ukrainës dhe menaxhimit të një armëpushimi të ardhshëm, raportoi The Ëall Street Journal.