Presidenti amerikan Joe Biden aludoi për një marrëdhënie komplekse që ai kishte me kryeministrin izraelit Benjamin netanjahu, duke sugjeruar se kryeministri është kokëfortë dhe se të dy ata kanë patur mosmarrëveshje gjatë viteve dhe tani. Biden, duke folur në një pritje në shtëpinë e bardhë me rastin e festivalit hebreh Hanukkah, kujtoi marrëdhëniet e tij të hershme me Netanjahun. Au nënvizoi se kishte shkruar një shënim mbi një fotografi të vjetër të të dyve, duke përdorur një epitet për liderin izraelit. “Unë shkrova në fotografi-Bibi, unë të dua por nuk jam dakord me ato që thua ti! E njëjta gjë ndodh edhe sot – tha Biden, i pritur me duartrokitje nga audienca hebreje. Ai shtoi ndërkohë se izraeli është në pozicion të vështirë dhe se ai ka dallime me disa liderë izraelitë. Ai nuk u ndal më gjerë tek dallimet mes tyre edhe pse javët e fundit ka patur disa sinjale për ndasi në lidhje me luftën kundër hamasit dhe trajtimin e palestinezëve. Vetë Biden ëhstë kritikuar për mbështetjen e tij për reagimin e izraelit pas sulmit të hamasit më 7 tetor. Fushata ushtarake që pasoi ka vrarë deri më tani më shumë se 18 mijë njerëz në gaza dhe ka plagosur rretgh 50 mijë të tjerë. Biden u tha hebrenjve të mbledhur në shtëpinë e bardhë, se pavarësisht dallimeve me lidershipin izraelit, ai ishte i angazhuar për një shtet hebre të pavarur dhe të pacënueshëm.