Joe Biden e arriti pragun e nevojshem electoral për të fituar presidencën amerikane. Katër ditë pas zgjedhjeve presidenciale të tre nëntorit, kandidati demorat arriti të siguronte 20 votat elektroale të Pensilvanisë duke I rrëmbyer fitoren nga duart në këtë shtet kyc kandidatit republikan, Donald Trump, I cili deri te merkuren kryesonte atje me 5.3%. Duket se kanë qenë votat me postë ato që kanë përmbysur rezultatin. Tashmë Biden numëron 273 vota elektorale, në një kohë kur mjaftojnë 270 të tilla për t`u zgjedhur president I Amerikës. Sipas sistemit amerikan, votuesit në secilin shtet zgjedhin elektorët të cilët do të mblidhen disa javë pas zgjedhjeve për të caktuar përfundimisht fituesin. Numri I votave elektorale të cdo shteti përcaktohet në bazë të popullsisë së tij, për këtë arsye shtetet më të mëdha si Tekssi 38, dhe Kalifornia 55 kanë dhe numrin më të madh të votave, ndërsa Delaware 3, dhe Idaho katër, kanë më pak. Në total janë 538 vota elektorale, e për të marrë celësat e zyrës Ovale, nevojiten 270. Bideni e kapërceu atë pragë vetëm me Pensilvaninë, e ndërkohë rezulton në krye edhe në Georgia, Arizona e Nevada. Nëse I merr dhe ato, totali I elektorëve të tij shkon në 306. Pavarësisht kësaj Trump duket se ende nuk ka ndërmend të dorëzohet. Presidenti ka nisur një luftë gjyqësore me një seri padish përmes të cilave shpreson që pretendimet e tij të përfundojnë në Gjykatën e Lartë. Është e qartë se atje I beson shumë së gjykatësve konservatorë, të cilët vetë i përforëcoi duke caktuar Amy Coney Barrett. Megjithatë sipas Ellen Weintraub, një prej anëtareve të Komisionit zgjedhor federal, “ nuk ka prova për manipulime”. Duke folur për CNN, ajo theksoi se asnjë prej padive nuk ka paraqitur prova të forta as për mashtrime, e as për vota të paligjshme. Në këto 100 vitet e fundit, në SHBA vetëm katër presidentenuk janë rikonfirmuar në detyrë. Më të fundit përpara Trumpit ishin demokrati Jimmy Carter ne 1980-tën dhe republikani Xhorxh Bush I Vjeter në vitin 1992.