Dhjetëra e mijëra demonstrues u mblodhën në qendër të Beogradit të shtunën duke kërkuar zgjedhje zgjedhje të parakohshme e duke ripërtërirë protestat që lindën nga lëvizja antikorrupsion e nxitur nga një fatkeqësi vdekjeprurëse në stacionin hekurudhor të novi sadit. Që nga shembja e strehës së stacionit në nëntor 2024, ku humbën jetën 16 persona, thirrjet për një hetim transparent për atë që ndodhi janë shndërruar në një shtytje për zgjedhje të parakohshme. Duke lëshuar sloganin karakteristik të lëvizjes, "Studentët po fitojnë", nën zhurmën e daulleve dhe bilbilave, turmat vërshuan nëpër qytet drejt sheshit Slavija në qendër. Më vonë të shtunën, ndërsa tubimi u ndërpre, shpërthyen përleshje mes demonstruesve dhe policisë. Persona të maskuar hodhën gurë, shishe dhe fishekzjarre ndaj policisë, e cila u përgjigj me gaz lotsjellës.