Top News – Beogradi mban peng godinën në veri/Skadon afati, serbët sfidojnë ultimatumin e Qeverisë

Këtë të premte përfundon afati që Komuna e Mitrovicës së veriut u ka dhënë strukturave paralele për lirimin e objektit në Lagjen e Boshnjakëve. Përplasja për këtë objekt është parë si mundësi për t’i rikthyer tensionet në veri të vendit. Objekti që nga paslufta po përdoret nga strukturat paralele të financuara nga Serbia. Godina në fjalë është pronë e Republikës së Kosovës dhe vendimi për rikthimin e tij tek institucionet vendore, është mbështetur edhe nga Qeveria. Frika nga ndonjë intervenim policor për lirimin e kësaj hapësire, ka shtyrë të ketë edhe reagim ndërkombëtar.