Kuvendi i Kosovës u konstitua më 11 shkurt (2026), pasi deputetët dhanë betimin dhe u zgjodh kryetarja dhe nënkryetarët. Albin Kurti, u zgjodh sërish kryeministër i Republikës së Kosovës, pas përfundimit të mandatit katërvjeçar nga viti 2021 deri në fillim të vitit 2025. Institucionet e reja u formuan pas pothuajse një viti me Qeveri në detyrë dhe Kuvend gati tërësisht jofunksional. Në lidhje me formimin e qeverisë së re, ka reaguar edhe shefja e politikës së jashtme të Bashkimit Evropian, Kaja Kallas, e cila është shprehur se është gati të organizojë një takim të nivelit të lartë së shpejti. Gjithashtu, raportuesi për Kosovën në Parlamentin Evropian, Riho Terras, përmes një postimi në X, ka uruar kryeministrin Albin Kurti dhe qytetarët, ndërsa ka theksuar se Kosova I përket familjes evropiane.