Shqipëria pësoi disfatë mbrëmjen e të premtes në stadiumin Ëembli të Londrës me rezultatin e thellë 5-0 dhe është e natyrshme që pas një zhvillimi të tillë, kritikat të jenë të mëdha në adresë të trajnerit dhe drejtuesve të FSHF-së. Por, këta të fundit, fshihen larg kamerave në raste disfatash të tilla. Ndërkohë, që në rrjetet sociale, janë publikuar së fundmi pamje se si delegacioni i FSHF-së, i udhëhequr nga vetë kreu i saj, Armando Duka, dëfrehen në daljet e tyre jashtë vendit. Kjo video, sipas mediave, i përket një udhëtimi në Bjellorusi, ku shihet Duka, i veshur me fanellën e shqipërisë, që ulet në gjunjë dhe shijon kërcimin e disa balerinave, të cilave më pas u hedh edhe para. E nuk dihet ndërkohë nëse një gjë të tillë, e kanë bërë edhe në Angli, për të hequr sadopak mërzinë pas një humbjeje të thellë dhe të sikletshme pavarësisht se kundërshtari në fushën e blertë, ishte i frikshëm.