Minimaraktona humanitare “Vrapo Babadimër”, edhe në këtë vit ka mbledhur qindra fëmijë në sheshin e Prishtinës, ku përvec vrapimit dhe aktiviteteve të shumta, me paratë e mbledhura do të ndihmohen rreth 700 familje në nenvojë. Ky është edicioni i gjashtë, i cili në të ardhmen do të mbështetet edhe më shumë nga Komuna e Prishtinës. Kryetari i Komunës së Prishtinës, Përparim Rama, tha se organizimet e tilla do t’i përkrahin por edhe do t’i realizojnë. Rama:Është një ndjenjë fantastike, një energji shumë e mirë “Është një ndjenjë fantastike, një energji shumë e mirë, shumë pozitive. Këto festivale do t’i bëjmë dhe do t’i përkrahim shumë e më shumë. Përveç që krijohet një energji shumë e mirë për qytetarët, për fëmijët për të gjithë, gjithashtu është edhe një organizim bamirësie, kjo organizatë iu ndihmon familjeve në nevojë, kështu që në këtë rast rreth 700 familje do të ndihmohen si rezultat i këtij organizmi. Kështu që ne gjithmonë do të jemi përkrahës të këtyre festivaleve, ku do të ketë edhe më shumë në të ardhmen”