Një avion pasagjerësh u ngul në hundë në aeroportin më të madh të Gjermanisë të enjten, duke plagosur disa persona. Incidenti në Aeroportin e Frankfurtit ndodhi pak para se pasagjerët të ngjiteshin në avionin e Lufthansës, një Boeing 787-9 Dreamliner, i planifikuar të fluturonte për në Los Angeles. Videoja tregoi ingranazhet e uljes së avionit të dëmtuara dhe mjetin e ngulur me pjesën e parme të tij, në pistë. Ekuipazhi i kabinës dhe stafi në tokë ishin në bord kur ndodhi incidenti në orën 12:45 sipas orës lokale. Disa u plagosën dhe morën trajtim mjekësor, tha Lufthansa. Avioni i dëmtuar iu dorëzua Lufthansës në janar. Pamjet e incidentit tregonin avionin të anuar përpara pranë Terminalit 1 të aeroportit, i rrethuar nga punonjës emergjencash dhe automjete. "Ndërsa avioni ishte i parkuar, ingranazhet e uljes u shtrembëruan papritur," tha një zëdhënës i Lufthansës. Kompania ajrore tha se po “shqyrtonte rrethanat e incidentit së bashku me autoritetet përkatëse”.