Një avion luftarak ka shoqëruar avionin e Papa Leonit të XIV për në Barcelonë në ditën e katërt të vizitës së tij në Spanjë. Papa kishte si destinacion të parë në këtë vizitë bazilikën Sagrada Familia, ku ai mbajti një meshë dhe bekoi kullën e re që e ka bërë atë kishën më të lartë në botë. Ashtu si në Madrid, ku ai nisi vizitën e parë të një Pape në Spanjë në 15 vjet, Leoni u prit nga turma të mëdha ndërsa mbërriti në katedralen e shekullit të 14-të, sagrada familia për meshën e mesditës. Mijëra njerëz shtynë barrierat jashtë kishës, duke valëvitur flamuj dhe duke thirrur "Rroftë Papa!" Leoni e hapi predikimin e tij në gjuhën katalane, duke evokuar karakterin e veçantë kulturor dhe politik të rajonit. Zyrtarët rajonalë kishin shpresuar që Papa të fliste në gjuhën që përdoret gjerësisht në shkolla, kisha dhe politikën lokale. Gjuha katalane, përdorimi i së cilës në publik u kufizua gjatë diktaturës së gjeneralit Francisco Franco, që përfundoi në vitin 1975, është një pjesë qendrore e identitetit në rajon, i cili u përpoq të shkëputej nga Spanja në vitin 2017. Përpjekja për pavarësi është zbehur që atëherë dhe rajoni tani qeveriset nga një udhëheqës jo-separatist.