Një 33 vjecar u vra me armë zjarri mëngjesin e kësaj të diele në fshatin Dragocc të Shkodrës, nga persona që nuk janë identifikuar nga policia. Mungesa e kamerave të sigurisë, por edhe zbulimi me vonësë i ngjarjes vështirëon punën e grupit hetimor për të identifikuar autorët, ndonëse paraprakisht dyshohet se në këtë ngjarje kriminale ka marrë pjesë më shumë se një person. Kjo pasi, automjeti me të cilin udhëtonte viktima është qëlluar nga të dyja anët me breshëri plumbash, që rezultuan fatale për 33 vjecarin. Familjarët e tij, i ati Fatmir Mataj dhe xhaxhai i viktimës Naimi, thonë se nuk kanë qenë në dijeni të ndonjë konflikti që mund të ketë patur 33 vjecari. Xhaxhai i tij nga vendi i ngjarjes u shpreh se djali është rritur në kushte të këqija ekonomike, ndaj kishte nisur të punonte.