Policia ka arrestuar një person të armatosur në Uashington, ndërsa tentonte të kalonte një nga postoblloqet e shumta të ngritura në afërsi të ndërtesës së kongresit, ku Joe Biden do të bëjë betimin pas tre ditësh. Ewsley Allen Beeler, me origjinë nga Virginia, kishte me vete një kartë të rreme akreditimi për ceremoninë e inaugurimit. Agjentët i kanë gjetur ndërkohë një armë dhe më shumë se 500 plumba atij. Ai u arrestua më pas për zotërim armësh zjarri të paregjistruara dhe municionesh.