Bernis Murati është vënë në pranga nga policia e Elbasanit, pasi dyshohet për kultivim të bimëve narkotike dhe shitje të farave bimore narkotike. 20 vjecari banues në fshatin Griqan u arrestua në flagrancë në kuadër të operacionit policor “Griqan 2022”. Gjatë kontrollit në banesën e tij, policia gjeti dhe sekuestroi 44 mijë e 380 fara dyshuara kanabis, municion luftarak dhe sende të tjera të dyshuara që do të shërbenin për kultivimin e bimëve narkotike. Të gjitha këto u sekuestruan në cilësinë e provës materiale. Vec këtij, një tjetër shtetas u procedua penalisht, për moskallëzim krimi. Murati akuzohet për veprat penale “Prodhimi dhe shitja e narkotikëve”, “Kultivimi i bimëve narkotike” dhe “Mbajtja pa leje dhe prodhimi i armëve, armëve shpërthyese dhe i municionit”. Materialet proceduriale i kaluan Prokurorisë pranë Gjykatës së Shkallës së Parë Elbasan, për veprime të mëtejshme.