Kancelarja Angela Merkel pritet të mbërrijë në vendin tonë më datë 14 shtator, për një vizitë disa orëshe, në lidhje me dhënien e një shtyse të re, procesit të Berlinit, nisur në vitin 2014. Përves kancelares Merkel, dhe kreut të qeverisë Edi Rama, në të njëjtën tryezë të pranishëm do të jenë edhe udhëheqës të vendeve të tjera të Ballkanit Perëndimorë, për të diskutuar në lidhje me këtë proces, I cili ka për qëllim lehtësimin e bashkëpunimit rajonal në mes gjashtë shteteve të Ballkanit Perëndimor. Qëllimi i kësaj inciative është të përmbushen kriteret për të u anëtarësuar në Bashkimin Evropian. Pjesa më e rëndësishme e procesit të Berlinit, është “Agjenda e Konektivitetit”, e cila fillimisht synon që gjashtë shtetet e Ballkanit Perëndimor t’i lidhë mes vete në fushat e transportit dhe energjisë.