Kryeministri i Kosovës Albin Kurti i kërkon NATO-s të dërgojë më shumë trupa në Kosovë, për shkak të kërcënimeve jo vetëm nga Serbia, por edhe Rusia. Shefi i qeverisë së Kosovës Albin Kurti thotë në një intervistë për televizionin gjerman “Ëelt” se rreth Kosovës janë vendosur 48 baza ushtarake serbe. Sipas Kurtit, prezenca e më shumë trupave të KFOR-it në Kosovë, do ta ndihmonte vendin për të zgjeruar më tej strukturat dhe kapacitetet e sigurisë. Kryeministri i Kosovës ngre gjithashtu alarmin se Rusia dhe Serbia punojnë ngushtësisht në politikën ushtarake dhe ndërmorën gjithsej 104 manovra ushtarake dhe aktivitete në vitin 2021, disa prej të cilave përfshinin forcat e armatosura bjelloruse.