Gjykata Themelore në Prishtinë lëshoi një urdhër që obligon albi kurtin që të paraqitet më 4 mars në Prokurorinë Speciale të Kosovës për të dhënë dëshminë e tij në cilësinë e dëshmitarit, për çështjen e dyshimeve për keqpërdorime me rezervat shtetërore. “Ju njoftojmë se Gjykata Themelore në Prishtinë - Departamenti Special, me kërkesë të Prokurorisë Speciale të Republikës së Kosovës, me Urdhër të gjykatës të datës 21.02.2025 ka obliguar dëshmitarin A.K., që të paraqitet në cilësi të dëshmitarit, për të dhënë dëshminë e tij me datë 04.03.2025 në ora 10:00, në Prokurorinë Speciale të Republikës së Kosovës", thuhet në njoftimin e Gjykatës”, thuhet në njoftimin e Gjykatës. Më herët ishte Prokuroria Speciale ajo që I kërkoi gjykatës speciale që të urdhërojë kryeministrin Kurti që të paraqitet në cilësinë e dëshmitarit, pasi Kurti kishte refuzuar dy ftesat e mëparshme. Ndërkohë Zyra e Kryeministrit i është drejtuar përmes një letre Gjykatës Themelore në Prishtinë, duke kërkuar që ta obligojë Prokurorinë Speciale që të marrë dëshminë e kryeministrit të Kosovës, Albin Kurti, brenda zyrës së tij në Qeveri.