Është perkeqësuar bilanci i aksidentit të ndodhur në aksin Lezhë-Shkodër në kryqëzimin e Kakarriqit. Ka ndërruar jetë në spitalin e traumës infermierja Marjeta Gjergji e cila mbeti e plagosur në aksidentin që ndodhi paraditen e së të enjtes. Të plagosur në aksident kanë mbetur tre familtarët e saj, djali i mitur, bashkëshorti dhe e vjehrra. Ata ndodhen në spital ku kanë marrë ndihmën e duhur dhe mësohet se janë në gjendje të stabilizuar. Aksidenti tragjik ndodhi në aksin Lezhë-Shkodër rreth orës 11:00 të paradites së tw enjtes, ku automjeti i drejtuar nga bashkëshorti i Marjeta Gjergjit u përplas me një automjet tjetër, ku paraprakisht shkak dyshohet të ketë qenë një parakalim i gabuar. Sipas policisë mësohet se personat që ndodheshin në automjetin tjetër nuk kanë marrë lëndime serioze. Po gjatë paradites së të enjtes në Lezhë u shënua një tjetër aksident të në aksin Lezhë-Laç, në afërsi të kryqëzimit të Rrilës, ku një automjet tip "Volsvagen" përplasi një të mitur i cili po kalonte rrugën. Ai u dërgua për ndihmë mjekësore në spitalin rajonal , ndërsa policia shoqëroi në komisariat drejtuesin e mjetit që shkaktoi aksidentin, një 56 vjeçar banues në Lezhë.