Të paktën shtatë persona kanë humbur jetën në një aksident zinxhir në të cilin u përfshinë 20 makina, gjatë një stuhie rërë në Utah të Shteteve të bashkuara të Amerikës. Aksidenti ndodhi në rrugën ndërshtetërore 15, afër qytezës Kanosh. Disa persona të tjerë kanë pësuar lëndime dhe janë dërguar në spitalet e afërt në gjendje kritike. Ambulancat nga toka dhe ajri janë përdorur për të transportuar të lënduarit në spitale.