Stadiumi 'Air Albania' do te duhet te mbyllet serish si pasoje e problemeve me fushen. Skuadrat qe do te vuajne ne kete rast do te jene Dinamo dhe Partizani. Kjo eshte e disata here pergjate nje periudhe te shkurte qe impianti me modern ne Shqiperi detyrohet te mbylle dyert si pasoje e prishjes se tapetit te barit qe vjen nga zhvillimi i ndeshjeve te shumta. Pergjegjesit qe merren me mirembajtjen e fushes kane sugjeruar qe ti jepet nje jave afat fushes sapo te vije ne gjendjen normale. Tirana e drejtuar nga Orges Shehi nuk ndikohet aspak nga ky vendim i casteve te fundit pasi te dyja ndeshjet e radhes i ka ne transferte ndaj Skenderbeut dhe Egnatias ndersa nga ana tjeter Dinamo dhe Partizani do te duhet te luajne serish ne 'Elbasan Arena'. Blute e Bledi Shkembit do te duhet te udhetojne jashte kryeqytetit per sfiden ndaj Kastriotit me 28 nentor, ndersa Demat e Kuq do te luajne vetem pas tre ditesh ne te njejtin stadium takimin e forte me Teuten. Impiantet sportive jane kthyer ne nje problem shume te madh per ekipet e Superiores ne fillimin e edicionit te ri futbollistik, ku ndryshimi i shpeshte i stadiumeve ka sjelle dhe interes me te ulet te tifozeve dhe rrjedhimisht te ardhura me te pakta per klubet.