Një fluturim i United Airlines i nisur nga Neëark, në Neë Jersey, me destinacion Palma de Majorkën, në Spanjë, u detyrua të kthehej mbrapsht për shkak të një altoparlanti me Bluetooth, të dyshimtë. Një pasagjer ngriti alarmin pasi u gjet një pajisje e quajtur "Bombë" në telefonin e tij smart. Sipas raporteve të medias amerikane, në bordin e avionit kishte 190 pasagjerë dhe 12 pjesëtarë të ekuipazhit. Pilotët vendosën ta kthenin avionin mbrapsht ndërsa fluturonin mbi Atlantik rreth një orë pas ngritjes dhe pas një urdhri nga kulla e kontrollit. Avioni u ul përsëri në Neëark dhe u transferua në një platformë të largët të aeroportit, larg terminalit. Pasagjerët u transferuan në terminal dhe iu nënshtruan një kontrolli të ri sigurie. Një djalë 16-vjeçar në fund pranoi se zotëronte altoparlantin Bluetooth të quajtur "Bombë". Ai u vendos në paraburgim për t'u marrë në pyetje nga autoritetet federale dhe aktualisht nuk është e qartë nëse do të ngrihen akuza zyrtare. Ai përballet me dënim me burg deri në pesë vjet dhe gjobë. Pasi cështja i zbardh, avioni i United Airlines u ul në Palma de Mallorca me më shumë se nëntë orë vonesë.