Aleanca për Ardhmërinë e Kosovës do të garojë si subjekt i vetëm në zgjedhjet e 28 dhjetorit, tha nënkryetari i kësaj partie, Daut Haradinaj. Në një intervistë për KosovaPress ai tha se AAK synon rezultate të mira dhe se nuk do të ketë krijim të instituicioneve pa Aleancën. Haradinaj: Jemi të interesuar që ta kthejmë Kosovën në binare të veta “...Jemi të interesuar të bëjmë një fushatë programore me ofertë e jo të akuzojmë shumë, qëllimi edhe në të kaluarën e afërt edhe sot është që të ndërrojmë gjendjen në Kosovë, me e kthy Kosovën në binare të veta, drejtimin që ka qenë me i kthy aleatë prapë. Raportet me ta që t’i kemi shumë më të mira, me i heq sanksionet kundër Kosovës, me e kthy shtetin në binar për shkak se kemi dëme marramendëse” Aleanca sipas Haradinajt shpreson në rezultate e përqindje më të lartë në këto zgjedhje të jashtëzakonshme.