Që prej nisjes së pandemisë e deri më tani, në Shqipëri janë shënuar 500 humbje jete, ndërsa ka një rritje kohët e fundit edhe për të infektuarit që janë nga të gjitha qytetet e vendit. Në listën e qyteteve me numrin më të lartë të infektimeve e mban Tirana e më pas Durrësi, Korca, Elbasani, Shkodra dhe Fieri. Ekspertët thonë se Tirana ka edhe numrin më të lartë të humbjes së jetëve. Shifra prej 500 viktimash është deklaruar zyrtarisht nga Ministria e Shëndetësisë, ndërsa nuk ka të dhëna për të tjerë që mund të kenë humbur jetën e që për shumë arsye nuk janë raportuar në institucionet spitalore. I lartë vijon të jetë edhe numri i të sëmurëve që po trajtohen në dy spitalet Covid, ku janë të shtuar 291 pacientë, 13 në terapi intensive nga të cilët 5 pacientë janë të intubuar. Konfirmohet nga autoritetet shendetësore se janë shëruar 114 qytetarë, duke e çuar në 11,007 numrin e të shëruarve në vend që prej fillimit të epidemisë, ndërsa numri i rasteve aktive është 8809 persona.