Të paktën 49 persona kanë ndërruar jetë, në një zonë të largët të shkretëtireës Sahara në Nigerinë Veriore, pasi kamioni me të cilin udhëtonin u prish dhe i la të bllokuar për disa ditë, sipas autoriteteve. Pasagjerët ishin pjesë e një grupi që po kthehej nga Mali në Niger për të festuar Kurban Bajramin me familjet e tyre, thanë autoritetet lokale. 49 personat u ndodhën në një zonë të largët rreth 80 kilometra në perëndim të Assamakës, një pikëkalim kyç kufitar midis Nigerit dhe Algjerisë, kur iu prish kamioni. Autoritetet raportuan se pasagjerët u përballën me kushte ekstreme të temperaturës dhe mungesë të plotë të furnizimit me karburant, ndërsa pavarësisht përpjekjeve të shoferit, asistentëve të tij dhe pasagjerëve, nuk ishte e mundur të riparohej automjeti. "Pa ujë dhe pa mundësinë për të riparuar automjetin, udhëtarët mbetën të bllokuar në zemër të një mjedisi ku temperaturat ekstreme e bëjnë mbijetesën jashtëzakonisht të vështirë", tha administrata rajonale. Vetëm dy persona arritën të mbijetojnë pasi ecën mbi 50 kilometra derisa gjetën një burim uji dhe më pas arritën në Assamaka, ku njoftuan autoritetet. Kamioni ishte nisur disa ditë më parë nga qyteti Talhadek i Malit. /autoritetet gjetën në kamion dhe përreth tij dhjetra trupa. Kjo zonë e veçantë shkretinore është një kalim i njohur për migrantët dhe refugjatët që përpiqen të arrijnë Evropën nga vendet afrikane.