‘Një rrugë e ngelur rrugëve’. Kështu u cilësua nga opozita aksi rrugor Qukës-Qafë Pllocë, ku punimet kanë nisur që në 2009-n dhe nuk përfundojnë prej 13 vitesh. Deputetët e opozitës e shohin me skepticizëm miratimin e një huaje shtesë prej 49 milionë dollarë, që do e çonte buxhetin total të kësaj rruge, në 250 milionë dollarë. Me synimin që kjo rrugë të përfundojë në 2025, përfaqësuesja e ministrisë sqaroi se punimet janë zvarritur për shkaqe shkencore dhe kushte atmosferike.