Një person që kishte kultivuar bimë narkotike është arrestuar nga policia. Pas kontrolleve të zhvilluara në zonën e Fushë Milotit, u evidentua një parcelë e mbjellë me hashash, e cila ishte evendosur mes agrumeve dhe vreshtit. Në pranga ra Ardian Hyseni, I cili është dhe pronari I tokës në fjalë. Në total u sekuestruan nga efektivët e policisë 440 fidanë kanabis. Përgjatë gjithë kësaj periudhe janë zhvilluar operacione dhe kontrolle blic në zona të ndryshme në vend. Objektiv mbetet shkatërrimi I parcelave e zonave të ndryshme ku mund të kultivohet kanabis. Zonat më të preferuara nga ana e këtyre personave janë sipërfaqet e pyllëzuara, banesat e braktisura, ish-repartet ushtarake, por dhe banesa ku ka informacion se janë kthyer në shtëpi bari. Këto të fundit janë shtuar në masë, ku janë zbuluar në Vlorë, Shkodër, Tiranë, Lezhë. Hetimet për rastin në fjalë po vijojnë për identifikimin e të tjerë personave të përfshirë. 53-vjeçari Ardian Hyseni do të dalë përpara gjykatë, ku do të njihet me masën e sigurisë, teksa ndaj tij rëndon vepra penale e “Kultivimi I bimëve narkotike”. Të shumta kanë qenë rastet e kultivimit të kanabisit në Lezhë, ku dhjetra persona kaë rënë në pranga.