Ndonëse prej ditësh po përballemi me shifra të ulëta të infektimeve me covid 19, dhe pandemia ka hyrnë një fazë të qetë, nuk ka kaluar as edhe një ditë e vetme pa viktima. Edhe këtë të shtunë ministria e Shëndetësisë raportoi për 3 humbje jete si pasojë e komplikacioneve nga covid 19 dhe janë 2 qytetarë nga Tirana, 1 nga Lezha, të moshave 50-72 vjeç. Me këto viktima numri i jetëve të humbura në vendin tonë që nga fillimi i pandemisë ka shkuar në 2411 persona. Gjatë 24 orëve të fundit janë tesyuar edhe një numër record personash, si asnjëherë më parë gjatë 14 muajve të pandemisë, sipas të dhënave të ministrisë së shëndetësisë janë testuar 4516 persona të dyshuar për covid 19, prej të cilëvbe kanë rezyltuar pozitiv 89 qytetarë. Nga këto 25 raste janë shënuar në Tiranë, 8 në Fier, 7 në Vlorë, 6 në Durrës, nga 4 raste në Devoll, Pogradec, Sarandë dhe më pak raste në bashkitë e tjera të vendit. Ndërka është ulur edhe më tej numri i të sëmurëve që po trajtohen në spitale, ku mësohet se janë të shtruar 99 pacientë, 10 në terapi intensive, nga të cilët 7 pacientë janë të intubuar. Në 24 orët e fundit janë shëruar 873 qytetarë, duke e çuar numrin e të shëruarve në 116,126 që nga fillimi i epidemisë. Numri i rasteve aktive vijon të jetë i lartë dhe janë përkatësisht 13 129 persona të infektuar.