Mbledhja plenare e këshillit të lartë të prokurorisë vendosi që kandidatët për prokuororë në SPAK, do të jenë Alfred Shehu, Elvin Gokaj dhe Sonila Muhametaj. Sipas këshillit, këta tre kadidatë I plotësojën të gjitha kuShtet dhe kriteret për ngritjen në detyrë. Shehu, Gokaj dhe Muhametaj do të vazhdojnë garën për prokurorë pranë SPAK. Gjithashtu me propozim të Komisionit për Zhvillimin e Karrierës, Këshilli vendosi për ngritjen në detyrë të Petrit Çanos, në pozicionin e Drejtuesit të Prokurorisë pranë Gjykatës së Shkallës së Parë Krujë, dhe të Erjon Shehajt, në pozicionin e Drejtuesit të Prokurorisë pranë Gjykatës së Shkallës së Parë Lezhë. Këshilli gjithashtu vendosi me shumicë votash caktimin e përkohshëm, për një periudhë tremujore, të Suela Belulit, prokurore në Prokurorinë pranë Gjykatës së Shkallës së Parë Fier, në pozicionin e prokurores në Prokurorinë pranë Gjykatës së Shkallës së Parë Lushnje. Pas shqyrtimit në seancë dëgjimore të kërkesës së Inspektorit të Lartë të Drejtësisë, për procedimin disiplinor në ngarkim të magjistratit, me detyrë prokuror në Prokurorinë pranë Gjykatës së Shkallës së Parë dhe propozimin prej tij të masës disiplinore ”vërejtje publike”, Këshilli njoftoi se do të shprehet me vendim, më datë 17 nëntor të këtij viti.