Si sot 30 vite më parë, Partia Demokratike do të shënonte historinë, duke arritur të fitojë në zgjedhjet e dyta pluraliste pas rrëzimit të komunizmit, duke marrë shumicën e mandateve të Kuvendit të Shqipërisë. Por, kush është situata sot në PD. Në zgjedhjet e vitit 2013 do të vinte në pushtet Partia Socialiste, e cila vijon të drejtojë në mandatin e saj të tretë. Humbja në zgjedhje do të sillte dorëheqjen e parevokueshme të liderit historik të Partisë Demokratike, Sali Berisha, nga posti i kryetarit dhe nga të gjitha funksionet drejtuese në parti. Pas zgjedhjeve të mbajtura në këtë subjekt politik, me mbështetjen e vetë Berishës, Lulzim Basha do të fitonte garën për drejtimin e partisë. Tashmë, thuajse 9 vite nga ardhja në pushtet e Partisë Socialiste, demokratët janë më të përçarë se kurrë. Dikur investuesi i Lulzim Bashës në politikë, tashmi i solli atij edhe disfatën më të madhe, duke e mundur në zgjedhjet e pjesshme lokale të 6 marsit, humbje që do të sillte dorëheqjen e tij nga posti i kryetarit. E gjithë kjo situatë erdhi si rezultat i vendimit të Lulzim Bashës më 9 shtator për të përjashtuar liderin historik nga grupi parlamentar, por që trazoi të gjitha ujërat. Demokratët mbajtën 2 kuvende Kombëtare dhe shkarkuan përkatësisht më 11 dhjetor Lulzim Bashën nga posti i kryetarit për shkelje të rënda statutore, e më 18 dhjetor Sali Berishën nga të gjitha funksionet, madje ta përjashtonin përjetësisht nga PD.