Tre plumba ne zonen e qafes dhe kokes dhe rreth 15 te tjere ne kraharor i kane marre jeten 57 vjecarit Demir Backa në atentatin e së shtunes ne mbremje ne Fier. Policia e Fierit ka shoqeruar deri tani 15 persona, të cilet janë marrë në pyetje mbi ngjarjen, pasi kanë qenë dëshmitarë në vendin e ngjares. Policia ende nuk ka dhënë ansjë detaj në lidhe me hetimet që po kryhen apo se cilët persona u morën në pyetje. Ndërkohë mjeti i djegur i autorëve të vrasjes se 57 vjeçarit është dërguar në komisariatin e policisë se Fierit. Policia vazhdon hetimet per identifikimin dhe kapjen e autoreve te vrasjes se Demir Backes pasi ngjarje mbetet ende pa autor. Edhe pse pistat e hetimit janë të shumta, grupi hetimir ende nuk kanë dalë në një konkluzion përfundimtar në lidhje me këtë atentat të tipit mafioz. Mësohet se një prej pistave të hetimit është konflikti i biznesmenit Backa me një biznesmen nga Tirana, ku ky I fundit ka ngacmuar pak kohë më parë mbesën e viktimës. Pista tjetër lidhet me vrasjen e vëllait së viktimës në vitin 1997, Medi Backa. Një tjetër pistë është përfshirja e viktimës në një konflikt për tokën me banorët e zonës në bregdetin e Darzezës. 57 vjecari u ekzektua me breshëri kallashnikovi në makinën e tij të parkuar në një rrethrrotullim vetëm pak metra larg postbllokut të policisë në Fier. Backa mori plagë të rënda dhe humbi jetën në spital. Atentatorët të cilët ishin me një mjet tip Mercedes Benz me targa të Koosvës u larguan menjëherë nga venngjarja dhe mjeti I tyre u gjet larg vendit të krimit, konkretisht pranë Spitalit Memorial në Fier. Në makinë u gjetën një arme zjarri kallashnikov dhe një pistolete që dyshohet se janë përdorur në krim.