Katër djem dhe një vajzë të moshave 13 dhe 14 vjec janë ndaluar në Berkshire të Anglisë nga policia që po heton vrasjen e një 13 vjecari me thikë në një park të zonës. Viktima u gjet i plagosur rëndë e ndërroi jetë vetëm pak minuta më pas. Mësohet se minoreni ishte qëlluar me thikë në pjesën e pasme të qafës. Policia beson se djali, identiteti I të cilit nuk është bërë I ditur, është sulmuar nga dy ose tre meshkuj, të cilët më pas janë larguar. Hetuesit kerkuan ndihmën e publikut për cdo informacion të mundshëm mbi ngjarjen e rëndë, arsyet e të cilës nuk janë zbardhur ende. Efektivët thonë se zona ku ndodhi krimi është shumë e frekuentuar nga personat që dalin shëtitje me qentë, ndaj sipas tyre “është e pamundur mos të ketë patur dëshmitarë”. Episodi ka shkaktuar shqetësim të madh në radhët e banorëve lokalë. Ndonëse hetimi vazhdon, dyshimet më të fortë deri tani bien mbi të miturit e ndaluar, të cilët thuhet se kanë komplotuar së bashku për t`I ngritur pritë viktimës.