Ministria e Shëndetësisë njoftoi më 31 dhjetor se në Kosovë janë regjistruar 42 raste të reja me koronavirus. Rastet e reja dolën pas testimit të 3,561 mostrave. Sipas njoftimit, edhe 8 pacientë janë shëruar, ndërkaq raste aktive janë 453. Në 24 orët paraprake, autoritetet shëndetësore kanë administruar 2,018 doza të vaksinës kundër koronavirusit. Deri më tani, në Kosovë, të vaksinuar me dy doza të vaksinës janë 782,696 persona. Në Kosovë të drejtë vaksinimi kanë të gjithë personat mbi 12 vjeç. Ndërkaq, personat mbi 18 vjeç, që kanë marrë dozën e dytë para tre muajsh, mund ta marrin edhe dozën përforcuese. Në vend jepen dy lloje të vaksinave, ajo e AstraZenecas dhe e Pfizerit. Sipas zyrtarëve, deri më tani në vend janë dhënë 10.112 doza përforcuese të vaksinës në një proces që nisi më 9 dhjetor. Tashmë edhe në kosovë janë regjistruar rastet e infektimit me variantin e ri Omicron, cka ka bërë që të regjistrohet edhe një rritje e rasteve.