Nuk e njihnin se kush ishte Nuredin Dumani, por kanë vepruar në bazë të betimit të hipokratit, kjo është deklarata e dhënë nga mjekët e arrestuar në Fier. Hetuesit pohojnë se dy mjekët dhe infermieri, të arrestuar në Fier kanë pohuar se ka qenë një mik I tyre I cili I ka shoqëruar. “Kemi shkuar te banesa e personit të plagosur të shoqëruar nga një i njohur. Nuk kishim dijeni për të shkuarën e tij kriminale. Kemi bërë detyrën si mjekë për t’i ofruar ndihmën paraprake të shpejtë një njeriu. Kjo bazuar edhe në betimin e Hipokratit si profesionistë dhe në çfarëdo lloj situate që të ndodhemi nuk mund t’i mohojmë kujdesin shëndetësor askujt”, janë shprehur ata. Ndër të tjera kanë konfirmuar se e kanë mjekur në banesë, por pa ditur rreth krimeve të tij apo identitetit. Mbi ta rëndon akuza për “Moskallëzim krimi” dhe ‘Veprime që pengojnë zbulimin e së vërtetës”.