Nga Kalpaki i Janinës në një ceremoni të nënshkrimit të kontratës , për zgjatjen e autostradës së Jonit nga Janina në Kakavijë , një projekt me vlerë 300 mln euro, kryeministri grek Kyriakos Mitsotakis ka theksuar përveç rëndësisë gjeopolitike të kësaj vepre për Greqinë dhe Shqipërinë fqinje, edhe faktin se Athina do ta mbështesë Shqipërinë në përpjekjet e saj për anëtarësim në BE , me kushtin që Tirana të respektojë të drejtat e minotritetit grek në vend. Shqipëria mike e di shumë mirë se ka një rrugë të vazhdueshme me kushte drejt BE , ku në thelb jemi ne rregullatorët e shpejtësisë me të cilën Shqipëria do të ecë drejt Europës. Dhe sa më shpejt që ajo të përmbushë detyrimet e saj, qoftë për të drejtat e vetëpërcaktimit apo për të drejtat pronësore, aq më shpejt edhe ne do të biem dakord dhe do të mbështesim këtë kurs europian të Shqipërisë. Por vetëm disa orë më vonë me një deklaratë ndryshe nga Brukseli, para samitit BE-Ballkani Perëndimor, kreu i qeverisë greke tha se Shqipëria pas shumë vitesh ka bërë hapa të mëdhenj përpara në trajtimin e çështjeve të pakicës kombëtare greke. Dua të theksoj edhe një herë se Greqia është në thelb "kujdestari" i rrugës evropiane të Shqipërisë dhe se çështjet që kanë të bëjnë me mbrojtjen e pakicës kombëtare greke. , sigurimi i të drejtave të tyre pronësore, e drejta për vetëvendosje, nuk janë çështje dypalëshe. Këto janë çështje që kanë të bëjnë me marrëdhëniet e Shqipërisë me B.E. Më gëzon fakti që për herë të parë pas shumë vitesh kemi lëvizshmëri të konsiderueshme nga ana e Shqipërisë në adresimin e këtyre çështjeve. Sipas z. Mitsotakis kjo është prova më e mirë, sepse në fund të fundit edhe kursi europian i vendeve të Ballkanit mund të çojë në zgjidhjen e çështjeve të tilla kronike kur ato reduktohen nga çështje dypalëshe në çështje europiane.