Roma po punon ngushtë me Komisionin Evropian për të ushtruar presion mbi Shtetet e Bashkuara të Amerikës që të rishqyrtojnë një tarifë shtesë për importet e makaronave, e cila në fakt do të dyfishonte çmimin e tyre, tha ministria e jashtme italiane. Vendimi për të vendosur një tarifë shtesë prej 91.74% është rezultat i procedurave të Departamentit amerikan të Tregtisë, i cili zbuloi se dy prodhues të mëdhenj italianë dyshohet se shisnin makarona me çmime padrejtësisht të ulëta, një praktikë e njohur si damping, mes korrikut 2023 dhe qershorit 2024. Kjo do t;i shtohej taksës prej 15% që shba ka vendosur tashmë për shumicën e importeve nga BE-ja dhe do të fillojë të zbatohet nga janari 2026. Ministria e jashtme italiane tha në një deklaratë për shtyp të shtunën vonë, se kundërshton tarifat e reja dhe se po ndihmon kompanitë në mbrojtjen e të drejtave të tyre përmes ambasadës në Uashington. Me pothuajse 800 milionë dollarë eksporte, SHBA është një nga tre tregjet kryesore të eksportit të makaronave italiane, një element kryesor i trashëgimisë kulinare të vendit dhe një mall i konsiderueshëm eksporti.