Biznesmeni miliarder Andrej Babis ka fituar zgjedhjet parlamentare në Republikën Çeke, megjithëse partia e tij populiste ANO nuk arriti të merrte shumicën e përgjithshme. Partia e Babis mori pak më pak se 35% të votave, duke i siguruar 80 vende në dhomën e ulët me 200 vende, nga 72 vende që kishte katër vjet më parë, sipas rezultateve paraprake. Babis - i cili shërbeu si kryeministër nga viti 2017 deri në vitin 2021 - pritet të ftohet për të nisur bisedimet për formimin e një koalicioni të ri. "Ky është një sukses historik," njoftoi Andrej Babis para mbështetësve brohoritës në selinë e ANO-së në periferi të Pragës. "Është kulmi i karrierës sime politike!" tha ai, duke shtuar se ai dhe ekipi i tij tani do të punojnë për ta bërë Republikën Çeke "vendin më të mirë për të jetuar në Bashkimin Evropian". Por, ndërsa këto zgjedhje nuk kanë sjellë surpriza të mëdha ka ende shumë pikëpyetje.