Bashkimi Evropian ka njoftuar një sërë propozimesh për ndryshimin e klimës që synojnë ta shtyjnë atë drejt neutralitetit deri në vitin 2050. Udhëheqësit prezantuan planet më gjithëpërfshirëse deri më sot, me një objektiv të ri që deri në vitin 2030 të ulin sasinë e çliruar të karbonit në 55%, nën nivelet e vitit 1990. Planet shkaktuan konflikte serioze në Komisionin Evropian, krahu administrativ i bllokut, ndërsa bëheshin ndryshimet e fundit, thanë burimet për agjencinë e lajmeve AFP. “Duke vepruar tani ne mund t’i bëjmë gjërat në një mënyrë tjetër … dhe të zgjedhim një mënyrë më të mirë, më të shëndetshme dhe më të begatë për të ardhmen,” tha Presidentja e Komisionit Evropian Ursula von der Leyen.