Presidenti i Shteteve të Bashkuara të Amerikës, Donald Trump, ka thënë se po i anulon sulmet që kishte planifikuar ndaj Iranit. Ai ka thënë se anulimin e ka bërë pasi diskutimet me Iranin janë ngritur në nivelin më të lartë të udhëheqësisë atje dhe janë miratuar. “Bazuar në faktin se diskutimet me Republikën Islamike të Iranit janë ngritur në nivelin më të lartë të udhëheqësisë iraniane dhe janë aprovuar, unë, si president i Shteteve të Bashkuara të Amerikës, kam anuluar sulmet dhe bombardimet kundër Iranit sonte. Diskutimet dhe pikat përfundimtare janë miratuar, si në koncept ashtu edhe në detaje të hollësishme, nga të gjitha palët e përfshira, përfshirë SHBA-në, Izraelin, Arabinë Saudite, Emiratet e Bashkuara Arabe, Katarin, Turqinë, Pakistanin, Bahrejnin, Kuvajtin, Jordaninë, Egjiptin dhe të tjerët. Bllokada detare do të mbetet e plotëfuqishme derisa kjo marrëveshje të finalizohet. Koha dhe vendi i nënshkrimit do të bëhet e ditur së shpejt” Ndërkaq, agjencia amerikane “axios” raporton se Zyrtarët iranianë u thanë disa vendeve se bisedimet e Teheranit kishin çuar në një marrëveshje bazë, por se Udhëheqësi Suprem Mojtaba Khamenei ende nuk kishte dhënë miratimin e tij përfundimtar. Ndërsa nga burime pranë shtëpisë së bardhë bëhet e ditur se marrëveshja mund të firmoset në fundjavë ose në fillim të javës së ardhshme në një vend europian.