Tre kushërinj janë plagosur me armë zjarri në Thumanë, pas një konflikti për motive pronësie. Bëhet fjalë për Ardian Sela, Fatos Sela dhe Sahit Ahmet Sela. Ky i fundit, sipas gazetares së Top Channel Dorjana Bezat ushtron detyrën e policit në Thumanë, por gjatë sherrit ishte jashtë shërbimit. Feimi dhe Ardiani janë transportuar për te spitali i Traumës në Tiranë, ndërsa Fatosi është në spitalin e Laçit. Policia po heton për të zbardhur ngjarjen e plotë dhe sqarimin e rrethanave. “Më datë 25.07.2024, në afërsi të një fabrike çimentoje në Mamurras, gjatë një konflikti për motive pronësie (për një sipërfaqe toke) janë plagosur me armë zjarri shtetasit S. A. (S)., (punonjës Policie jashtë shërbimit) dhe A. S., kushurinj me njëri-tjetrin. Si pasojë të dy shtetasit janë dëmtuar dhe ndodhen në spital, nën kujdesin e mjekëve”, u tha paraprakisht në njoftimin e policisë, ndërsa më tej njoftojnë se: “është paraqitur në spital për ndihmë mjekësore, shtetasi F. S., dyshohet i plagosur me armë zjarri gjatë konfliktit, dhe aktualisht ndodhet nën kujdesin e mjekëve.”