Është mbyllur në barazim pa gola sfida mes Kukësit dhe Vllaznisë në “Elbasan Arena”. Një ndeshje që nuk kishte shumë histori, me skuadrat që u “zgjuan” vetëm në 10 minutat e fundit, ku kërkuan me ngul edhe golin që do iu jepte fitoren, por përsëri vetëm 3 goditje ishin në portë. Verilindorët e Diego Longos dhe shkodranët e Thomas Brdaric kishin mes tyre një sfidë direkte për vendin e tretë pasi ndanin të njëjtën kuotë pikësh, por që nuk arritën të dilnin fituese asnjëra prej tyre, duke vazhduar të jenë po me pikë të barabarta, me Partizanin që i “kërcënon” për ventin e 3-të. Më herët Teuta arriti të fitoi një duel me një kundërshtar direkt si Egnatia në garën për zonën e ftohtë. Djemtë e detit” të Teutës bënë pragnatistët në Rrogozhinë, duke fituar minimalisht 1-0 ndaj Egnatias, një sukses i nevojshëm për të krijuar një situatë psikologjike te durrsakët. Edhe pse me mungesa të konsiderueshme në formacion, skuadra e Arapit bëri atë që i kërkohej në “Egnatia Arena”. Pas një gabimi në mbrojtje, 22-vjeçari Klejdi Daci përfitoi nga rasti dhe e dërgoi topin në rrjetë, duke çuar rezultatin në 1-0.