Testamenti, një komedi e zezë, me autor dhe regjisor Leka Bungon dhe protagonist Viktor Zhustin, do të shfaqet në fund të janarit si premiera e parë e këtij viti në Teatrin Kombëtar. Shfaqja pasi ka kaluar ne tavolinë është në procesin e provës. Nga interpretimi i Zhustit kuptojmë që personazhi, komunisti Kuqo, le një testament dhe rrëfen kohën që prej fillimit të krijimit të partisë komuniste e deri në vitin 1992. Çfarë ishte komunizmi dhe komunistët, a ndryshoi më vonë shoqëria jonë? Si ju flet të rinjve kjo vepër? Përgjigjet i jep vetë autori i veprës.